Ráđđehus áigu viiddidit ortnega mii guoská nuvttá mánáidgárdeáigái nu ahte guoská maiddái 2-jahkásaččaide geat leat bearrašiin main ii leat nu alla dienas, ja ráđđehus evttoha 46 miljovnna ruvnno dasa.
Ráđđehus áigu viiddidit ortnega mii guoská nuvttá mánáidgárdeáigái nu ahte guoská maiddái 2-jahkásaččaide geat leat bearrašiin main ii leat nu alla dienas, ja ráđđehus evttoha 46 miljovnna ruvnno dasa.
Ráđđehus áigu maid addit ovcci miljovnna bargguide oččodit mánáid mánáidgárddiide geat leat muhtin báikkiin gávpogiin, ja 10 miljovnna eanet oahpposajiide mánáidgárdeoahpu oahpahusas, čállá Máhttodepartemeantta preassadieđáhusas.
– Mii áigut addit 46 500 viđajahkásažžii rievtti nuvttá áigái mánáidgárddis. Lea hui dehálaš ahte mánát, geat leat ruovttuin gos eai huma dárogiela, álget árabut mánáidgárdái. Doppe besset oahppat giela bures ovdal go álget skuvlii. Váhnemiidda lea de buoret áigi gazzat oahpu ja bargat, lohká máhto- ja integrerenministtar Jan Tore Sanner.
20 diimmu nuvttá áigi
2015 rájes lea ráđđehus ásahan nationála ortnega mas lea váldoáigi nuvttá 3-, 4-, ja 5-jahkásaččaide. Dál áigu ráđđehus viiddidit ortnega nu ahte dat guoská maiddái 2-jahkásaččaide borgemánu 1.beaivvi 2019 rájes.
Dalle lassána mánáidlohku 46 500:i geain lea riekti oažžut nuvttá áiggi mánáidgárddis.
Ortnet lea dállodoaluide main lea unnit dienas go 533 500 jagis. Sis lea riekti oažžut 20 diimmu nuvttá áiggi mánáidgárddis juohke vahkku.
Statistihkalaš guovddášdoaimmahaga guorahallamat čájehit ahte minoritehtagielat mánát mánáidgárddiin barget buorebut skuvllas go mánát geat eai leat mánáidgárddis leamaš.
