Finnmárkku Bargiidbellodat oaivvilda ahte Nussir ASA ferte beassat álggahit ruvkedoaimma Fálesnuoris.
Guovvamánu 14.beaivvi dohkkehii ealáhus- ja guolástusdepartemeanta doaibmakonsešuvnna Nussir ASA:i ruvkedoaimma ektui Fálesnuori suohkanis.
Finnmárkku Bargiidbellodat doarju dán mearrádusa ja čujuha ahte dá lea juste seamma mearrádus go máid Finnmárkku Bargiidbellodat lea mearridan ovdal.
Nussir ášši lea čielggaduvvon badjel logi jagi ja lea bures čielggaduvvon.
Dán áššis leat iešguđetge lágan oaivilat ja doahttalusat váldon vuhtii. Finnmárkku Bargiidbellodagas lea luohttámuš dasa ahte eavttut mat leat biddjon luoitinlobis, maid Dálkkádat- ja birasdepartemeanta attii 2016:s, vuhtiiváldet sihke birrasa ja boazodoalu.
Ruvkedoaibma Fálesnuoris buktá sihke báikkálaš ja guvllolaš buriid oalgeváikkuhusaid ja bargosajiid čállá Finnmárkku Bargiidbellodat preassadieđáhusas.
