Suoma Sámediggi ja Giellagas-instituhtta almmuhit dal suoma–nuortalašgiela sátnegirjji.
Nuortalašgiela sátnegirji lea leamas borgemánu 2020 rájes digitála hámis Romssa universiteahta sámegiela giellateknologiija guovddážis Giellateknos. Dál deaddiluvvo girjin. Nu dieđiha Suoma Sámediggi preassadieđáhusas.
Lea Giellagas-instituhta nuortalašgiela universiteahttaoahpaheaddji Miika Lehtinen gii lea doaimmahan sátnegirjji ovttas Eino Koponeniin, Merja Fofonoffain ja Raija Lehtolain.
Suoma–nuortalašgiela sátnegirjjis leat eanet go 20.000 suomagiel ohcansáni. Sátnegirjji vuođđun lea Satu ja Jouni Moshnikoffa ovddeš sátnelistu. Muhto sátnegirjái leat lasihan vel eanet sániid.
Nuortalašgiela sátnegirjjiid lea Suoma Oahpahus- ja kulturministeriija ruhtadan ja barggu lea Giellagas-instituhtta doaimmahan. Sátnegirjebarggus leat maid Oulu universiteahta Giellagas-instituhtta, Sámediggi ja Helssega universiteahta veahkehan.
Sátnegirji almmuhuvvo njukčamánu 5. beaivvi, ja almmuhandoaluid sáhttá čuovvut neahta bakte.
