Guorbmebiila ja mohtorsihkkel beaškkeheigga oktii, nuorra olmmoš duššai.
Vuossárgga maŋŋelgaskabeaivvi duššai nuorra olmmoš johtolatlihkohisvuođas E6 geainnus gaskal Iŋggášguolbana ja Skuvvanvári Porsáŋggu gielddas. Lei guorbmebiila ja mohtorsihkkel mat beaškkeheigga oktii, ja mohtorsihkkelvuoddji duššai, čállá Finnmárkku politiijaguovddáš twitteris.
Čađahan teknihkalaš iskosiid
Buot heahtebálvalusat ledje báikkis. Geaidnu lei máŋga diimmu gitta, dan botta go Stáhta geaidnodoaimmahat ja Politiijat čađahedje teknihkalaš iskosiid báikkis.