Sámi giellavahkku oktavuođas almmuhuvvo ođđa podcast-ráidu mas nuorat hupmet fáttáid birra maid ieža leat válljen.
Nuorat, geat leat podcast-ráiddus mielde, leat Plassje joatkkaskuvllaoahppit geain lea sámegieloahpahus skuvllas. Fáddá lei «podcast» sámegiela giella- ja kulturdeaivvadeamis dán čavčča, ja nuorat ledje ieža válljen fáttáid maid birra áigot hupmat podcastas.
Dán vahkku sáddejuvvo podcast-ráidu Nea Radios distaga, gaskavahkku ja duorastaga diibmu 11.15, ja lea sámi giellavahkku oktavuođas go almmuhuvvo. Muđuid sáhttá gullat podcastaid Nea Radio ja Aajege neahttasiidduin maŋŋel go leat gullon rádios.
Fáttát main nuorat beroštit
Podcast-ráiddus leat golbma oasi mas hupmet «sosiála media ja psyhkalaš dearvvašvuođa», «Movt lea leat sámi nuorra odne» ja «Minecraft čurbbiide». Guovtti vuosttaš oasit leat lullisámegillii ja maŋemus oasis ges davvisámegiela oassi.
«Assjaldahkh – tanker i tiden» lea podcast-ráiddu namma man Aajege ja Sámediggi leat ruhtadan.
Malin Wilks, Stig Arne Somby ja Toini Bergstrøm leat Aajege prošeavtta ovddasvástideaddjit. Mentor ja movttiidahtti lea Patricia Fjällgren ja teknihkkár ges Ketil Hage.
