45 proseantta nuorain gaskkal 16 ja 24 jagi dovdet eambbo oktovuođa koronavirusa dihtii.
Dán čájeha iskkadeapmi maid Opinion lea čađahan Rukses Ruossa ovddas.
– Dát logut leat alladat ja lea várrehus sihke midjiide ja Norgga eiseválddiide. Lea čielga mearkan ahte olusat rahčet. Ahte ná olusat dovdet oktovuođa fertet váldit duođalaččat, dadjá Rukses Ruossa generálčálli Bernt G. Apeland.
Iskkadeamis, maid 4000 olbmo leat vástidan, vástidit 45 proseantta ahkejoavkkus gaskkal 16 ja 24 jagi ahte dovdet eambbo oktovuođa koronavirusa dihtii. Lohku lea beali stuorát go gaskamearri olles Norgga álbmogis badjel 40 jagi.
