Stáhta oaivvilda ahte várra lea lassánan atomalihkohisvuođaide. Dearvvašvuođadirektoráhtta ávžžuha suohkaniid ordnet tableahtaid main lea jode, mii hehtte borasdávdda šaddamis jus radioaktivitehta suođđá.
Stáhta oaivvilda ahte várra lea lassánan atomalihkohisvuođaide. Dearvvašvuođadirektoráhtta ávžžuha suohkaniid ordnet tableahtaid main lea jode, mii hehtte borasdávdda šaddamis jus radioaktivitehta suođđá.
Ollu johtolat atomafatnasiiguin, boares atomafápmorusttegat ja stuorát várra terrordaguide dagaha maid ahte radioaktivitehta sáhttá álkibut suođđat dál go ovdal, oaivvildit Norgga eiseválddit, čállá NRK.
– Mii háliidit ahte suohkanat diŋgojit dakkár tableahtaid nu ahte lea álbmoga lahka, jus šaddá dárbu daidda, muitala Dearvvašvuođadirektoráhta divišuvdnadirektevra Svein Lie.
Hehtte borasdávdda
Tableahtat sáhttet hehttet mánáide ja nuoraide šaddagoahtit borasdávdda guoggomasrávssás.
– Muhto daid ferte borrat dasttánaga ja ovdal go lea gollan njeallje diimmu maŋŋel go lea ožžon radioaktivitehta juoga mas, muitala Lie.
Atomagearggusvuođa heahtedillelávdegoddi oaivvilda ahte atomavárra lea lassánan.
– Riddoguovlluin lea moatti jagis lassánan fanasjohtolat mat johtet atomaiguin, muitala Stáda suonjardanbearráigeahču direktevra Ole Harbitz.
Apotehkain galget maid tableahtat fargga
Dearvvašvuođadirektoráhtta, Stáda suonjardanbearráigeahču ja Stáda dálkkasbearráigeahčču čállet fylkkamánniide ja suohkaniidda:
«Eurohpá fápmorusttegat boarásnuvvet ja várra lassána lihkohisvuođaid dáhpáhuvvamis. Atomafatnasat, mat leat lassánan Norgga riddoguovllu lahka, leat ollu lassánan ja dakkár lihkohisvuohta sáhttá suođahit ollu radioaktivitehta mii čuohcá Norgii. Lea maid lassánan terrorvárra.»
– Jodtableahtaid galget maid vuovdit apotehkain, muhto ovdal go dat lea sajis, de sihtá Dearvvašvuođadirektoráhtta suohkaniid diŋgot dakkár tableahtaid mat leat vuorkkás Oslos.
(©NTB)
