Jus dáhpáhuvvá atomalihkohisvuođa, de ávžžuhit dearvvašvuođaeiseválddit olbmuid sihkkarastit jodetableahtaid. Eai leat beare ollugat čuvvon dan ráđi, čájehit vuovdinlogut apotehkas.
Dearvvašvuođaeiseválddit ávžžuhit ahte buot olbmuid geat leat vuollel 40-jahkásaččat, áhpehemiid ja njamaheaddji nissoniid sihkkarastit tableahtaid jus atomalihkohisvuohta čuožžila.
Dat galgá unnidit vára oažžut borasdávdda guoggomasrávssás jus atomalihkohisvuohta geavvá.
Apotehka vuovdinlogut čájehit ahte eai leat beare ollugat geat leat čuvvon rávvaga oastit tableahtaid.
Dan rájes go Jodix tableahtta lei gávdnamis Norggas skábmamánu rájes diibmá, de leat vuovdán birrasii 50 000 doasa Jodix tableahta.
(©NTB)
