Miehtá Norgga bohtet 60 oasseváldi Čáhcesullui go fylkkasuohkaniid riikkadeaivvadeapmi lágiduvvo erenoamášoahpahusas.
Miehtá Norgga bohtet 60 oasseváldi Čáhcesullui go fylkkasuohkaniid riikkadeaivvadeapmi lágiduvvo erenoamášoahpahusas.
Oktii jagis deaivvadit ráđđeaddit fylkkasuohkaniin Norggas, geat barget erenoamášoahpahusain ja PPT suorggis. De čoahkkanit juogadit gelbbolašvuođa ja vásáhusaid, ja dán jagi dáhpáhuvvá dat čakčamánu 11. ja 12.beivviid Čáhcesullos.
– Dat lea ávkkálaš ollugiidda deaivvadit, lohká Finnmárkku fylkkagieldda oahpahushoavda Margunn Blix preassadieđáhusas.
Erenoamášoahpahus
Birrasii 60 oasseváldi vurdet searvat deaivvadeapmái mas lea fáddá «erenoamášoahpahus rievdame».
Ollu logaldallit ovdanbuktet raporttaid ja vásáhusaidis. Maiddái Magnus Jackson Krogh galgá hupmat psyhkalaš dearvvašvuođa birra.
– Riikkadeaivvadeapmi lea dehálaš deaivvadanbáiki mii buorida joatkkaskuvlla oahpahusa kvalitehta erenoamáš dárbbuin miehtá riikka. Dál illudit váldit gussiid vuostá daidda čáppa čakčabeivviide čáppa Várjjagis ja Čáhcesullos, lohká Blix loahpas preassadieđáhusas.
