Lappi universiteahtta, Ubmi universitehta, UiT-Norgga árktalaš universitehta ja Helssega universitehta ožžo Davviriikkaid Ministtarráđis 75 000 euro ruhtadeami sámegiela oahpuid ovddideapmái áigodahkii 2023–2025.
Lappi universitehta koordinere HEI-SAMI – Sami language in higher education in suburban areas -fidnu (Nordplus Språk), mas ulbmilin lea universitehtaid ovttasbargu sámegiela oahpahusas.
Oktan guovddáš hástalussan lea, ahte mo sámegiela oahpuid sáhtášii ain beaktilabbot fállat gávpotguovlluin.
– Lea dehálaš, ahte sámegiela oahpahusas lea nana ovttasbargu, das go resursaváili ja hástalusat leat buohkaide oktasaččat. Fámuid ovttastahttin ja doaimmaid ovddideapmi gávpotguovlluid universitehtaid gaskkas fállá sámegiela oahpahussii ođđa vejolašvuođaid, muitala professor Pigga Keskitalo, fidnu vásttolaš dutki Lappi universitehta bajásgeassindiehtagiid dieđagottis.
