Odne go Norgga stáhtaministtar boahtá Kárášjohkii de lea máŋggas geat háliidit čájehit doarjaga Fovsen-sápmelaččaide vearrivuođa dihte maid sii vásihit.
Čuovo doaluid ja guldal apeallaid avvir.no-siiddus diibmu 14.00 rájes odne.
– Go Norgga stáhtaministtar boahtá Kárášjohkii njukčamánu 9. beaivvi, de háliidit čájehit sutnje ahte mii eat dohkket olmmošvuoigatvuođarihkkumiid mat dál dahkkojuvvojit! Stáhtaministtar ferte vástidit movt ráđđehus áigu loahpahit olmmošvuoigatvuođarihkkumiid Fovsenis, čállet doarjjadoaluid lágideaddjit sin Facebook-siiddus.
