Dál beasat geahččat ođđa Deanu Šaldi šaldehuksema neahtas.
Stáhta geaidnodoaimmahat darvvihii bearjadaga web-kámera dálá Deanu šaldái vai olbmot besset geahččat neahtas šaldehuksema.
Galgá gárvánit 2019:s.
Vuođđobarggut, ovdal go álget hukset ođđa šalddi, álggahuvvojit ovdal juovllaid ja šaldi galgá leat gárvvis 2019:s.
Deanu sátnejođiheaddji Frank Ingilæ lohká leat suohtas go olbmot besset čuovvut neahtas huksema.
– Lea hui buorre go Stáhta geaidnodoaimmahat bidjá kámera vai olbmot besset čuovvut dákkár stuorra prošeavtta, mii lea dáppe Nuorta–Finnmárkkus. Dát lea okta daid stuorámus prošeavttain stáhtas mii lea Nuorta–Finnmárkkus. Šaddá hui miellagiddevaš go beassá dušše rabastit dihtora ja geahččat guhkás lea joavdan šaldehuksemiin, dadjá Deanu sátnejođiheaddji Frank Ingilæ.
