Leavnnjas girddihii muhtin almmái, mihtideapmi čájeha ahte masá duppalasttii guovllu leaktorájá.
Leavnnjas girddihii muhtin almmái, mihtideapmi čájeha ahte masá duppalasttii guovllu leaktorájá.
Maŋŋit ikte eahkedis massii badjel 30-jahkásaš dievdu biilavuodjinkoarta Leavnnja márkanis.
– Son vujii 98 km/t, leaktorádjá lea 50 km/t. Johtolatpolitiijat duoguštedje su biilavuodjinkoarta, čállet Oarje-Finnmárkku politiijat Twitteris.
70-jahkásaš duolmmastii gása
Čavkkus, Omasvuona suohkanis ges massii badjel 70-jahkásaš almmái biilavuodjinkoarta go vujii 77 km/t báikkis gos leaktorádjá lea 50 km/t.
Guovttis gártaba vázzit
Maiddái guokte eará dievddu gártaba ovddasguvlui vácci vánddardit. Ikte válduiga menddo leahtus vuodjimin Lávvavuovddis, olggobealde Romssa gávpoga.
– 40-jahkásaš váldui vuodjimin 119 km/t ja 50-jahkásaš ges 123 km/t. Báikkis lea lohpi vuodjit 80 km/t. Biilavuoddji guovttos massiiga biilavuodjinkoarta, dieđihit Romssa politiijat.
