Badjelaš 50-jahkásaš nisu duššai go gahčai ja fierai vulos alla luohkás birrasiid 8 ja 10 mehtera Skániin lávvordaga maŋŋelgaskabeaivvi.
Badjelaš 50-jahkásaš nisu duššai go gahčai ja fierai vulos alla luohkás birrasiid 8 ja 10 mehtera Skániin lávvordaga maŋŋelgaskabeaivvi.
– Nisu duođaštuvvui leat duššan das báikkis Krokmyrdalas. Buot čájehuvvo ahte dát lei lihkohisvuohta, muitala Romssa politiija operašuvdnajođiheaddji Kåre Munkvold NTBi.
Lei okto tuvrras
Lihkohisvuohta lei báikkis gos lávejit ollu tuvrraid vázzit Skániid suohkanis Romssas. Politiijaid dieđuid mielde lei nisu okto go lihkohisvuohta geavai.
– Mii eat jáhke ahte lea makkárge rihkkusášši dáhpáhuvvan, dadjá Munkvold.
Geargan dutkat ášši
Ledje eará olbmot geat ledje vázzime geat gávdne nissona ja dieđihedje heahtevehkiide diibmu 15.30 lávvordaga maŋŋelgaskabeaivvi.
Politiijat leat geargan dutkat ášši báikkis, ja leat dieđihan lagamuččaide dáhpáhusa birra. Rupmaša leat dolvon obdukšuvdnii.
(©NTB)
