Norsk Tipping ja Norgga Kulturskuvlaráđđi leat juohkán 10 000 ruvdnosaš Niehkostipeandda čuođi kulturdoaimmaheaddjái. Guokte sámi nuora leat sin gaskkas.
Deatnulaš Jovnna Levi Joks Vars ja kárášjohkalaš Biret Inga Pieski leaba ožžon dán jagáš Niehkostipeandda, 10 000 ruvnno, mii geigejuvvo čuođi nuorra olbmui miehtá Norgga, geat leat gaskal 13- ja 20-jahkásaččat, čállá NRK Sápmi.
345 nuora 217 suohkanis ledje nominerejuvvon Niehkostipendii.
Norsk Tipping ja Norgga Kulturskuvlaráđđi
Lea 14. geardi go Norsk Tipping ja Norgga Kulturskuvlaráđđi ovttasbarget niehkostipeandajuohkimiin. Sis geain lea vejolaš oažžut Niehkostipeandda, leat gaskal 13- ja 20-jahkásaš nuorat. Ulbmil dáinna lea movttiidahttit mánáid ja nuoraid joatkit ovdánemiin ja addit sidjiide vejolašvuođa ollašuhttit iežaset nieguid.
