Juovlabeavddit ustibiiguin ja buriid olbmáiguin bistet dávjá idjii. Lea čájehuvvon ovddit jagiid ahte oallugat válljejit loahpahit juovlabeavdeija idjabiepmuin. Dat sáhttá dagahit bártti.
Fargga juovlabeavdeáigodat. Juovlabeavddit ustibiiguin ja buriid olbmáiguin bistet dávjá idjii. Lea čájehuvvon ovddit jagiid ahte oallugat válljejit loahpahit juovlabeavdeija idjabiepmuin.
Favorihtta lea pizza mii galgá ommanis «dušše» logi minuhta. Dán logi minuhtas válljejit oallugat velledastit soffái.
Dát velledastin bistá beare dávjá dassái go buollinalárbma njurgugoahtá.
Olahus buollinalárpmain
Buollinčáskadeaddjit šaddet dávjjibut vuoddját go báiste dahje kásterola lea duoldan guorosin. 47 proseantta buollin- ja gádjunveaga tuvrrain 2017:s šadde gievkkanuvdnabuollimiid dihte ruovttuin.
Diibmá ledje 3 339 tuvrra priváhta ruovttuide, 1 562 dain ledje buollimat gievkkanuvnnas.
Sector Alarm varas logut dorjot dan ovdáneami. Dán rádjái dán jagi leat fitnodahkii boahtán badjel 400 alárbmasignála dan birra ahte guoros báiste dahje kásterola duolddai guorosin ja vel guhkit. Dat lea lassánan diimmá rájes.
Maiddái diimmá skábmamánnu ja juovlamánnu leat dat mánut go dát dáhpáhuvai dávjjimusat.
Leat go váibbas dahje gárremiin – divtte gievkkanuvnna orrut
Norsk Brannvernforening oaivvilda ahte eanaš buollinsivat lassánit ovdal juovllaid. Vajálduhttit gievkkanuvnna ja váraheames geavaheapmi gintaliin.
– Árbevierut ja juovlabeavdesuohttasat mis gal dieđus galget, muhto čuovo min ráđiid, de sihkkarasttát buori loahpa maid juovlabeavddis, dadjá Sector Alarm alárbmastašuvdnahoavda, Inge Svendsen preassadieđáhusas.
Jus leat nelgon maŋŋel juovlabeavvi leat dus guokte buori válljenvári:
Oastte biepmu go leat jođus ruoktot dahje ráhkat ruovttus dakkár biepmu man ii dárbbat ligget.
