Ráđđehus áigu boahtte vahkku ođđasit árvvoštallat gildosa.
– Eahpečielga njoammundilálašvuođa geažil leat mii válljen joatkit dainna doaibmabijuin, dajai stáhtaministtar Erna Solberg (O) čilgehusas Stuorradiggái vuossárgga.
Nationála alkoholaguossohangielddus doibmii bidje ođđajagemánu 4. beaivvi.
Árabut vuossárgga lei Álbmotdearvvašvuođainstituhtta ávžžuhan ráđđehusa heaittihit gildosa, ja baicce guossohanbisáneami gaskaija áigge ja sisaluoitinbisáneami olgobáikkiin diibmu 22.
Dearvvašvuođadirektoráhtta lei ávžžuhan ráđđehusa doalahit alkoholaguossohangildosa.
– Mii diehtit ahte guossohansuorggi bargit leat garrasit ovddastuvvon go guoská koronanjoammumii. Ja Danmárkku ekspeartajoavkku raporttas, mii gieskat ovdanbuktui, árvvoštallet ahte bárat leat báikkit gos lea alimus čuozahus njoammunleavvamii, dajai Solberg.
Son dadjá ahte ráđđehus áigu ođđasit árvvoštallat alkoholaguossohangildosa boahtte vahkku.
(©NTB)
