Juovllaid sáhttá elrávdnji čuohcat garrasit bušehttii. Dá leat álkkes goansttat mo sáhtát seastit stuora supmiid.
Go buolašta, de gollá eambbo elrávdnji ja elrávdnji divru, ja diimmá elrávdnjehattit šadde ge oaivebávččasiin oallugiidda.
Kristine Klementsen, NITO fápmolágidan áššedovdilávdegotti nubbijođiheaddji, muitala movt álkit sáhtát seastit elrávnnji ruovttus ja doalahit elrávdnjerehkega vuollin.
Dá leat su ávžžuhusat:
1. Bijat liggenpumpa
Liggenpumpa ligge birrasiid njeallje geardde eambbo dainna energiijain go maid elrávnnji geavaha. Veahá divrras bijahit dan, muhto gávdnojit muhtun hálbbit modeallat ja dat rievdada áiggi badjel elrávdnjerehkega mearkkašahtti.
2. Seastte lieggačázi
Lonut seastinriššui, unnit lávgungári geavaheami dan dihte go elrávdnji lea divrras ja rišot jođánit.
3. Ale luoitte lieggasa olggos
Isolere uvssaid ja lásiid birra vai ii biekka dokko.
4. Iskka energiijageavaheami latnjaliggemis
Bija unnit lieggasa lanjaide mat unnán adnojit, ale cakka lásiid guhká, erenoamážit seammás go ommanat leat alde, ja árvvoštala obbalaččat vuolidit lieggasiid.
5. Čuovo elrávdnjehattiid
Gávdnojit olu áppat mat čájehit elrávdnjehattiid. Dát sáhttá boahtit ávkin.
6. Iskka elrávdnješiehtadusa
Geahčat iešguđet fálaldagaid, leage kritihkalaš ja ale divtte fillet iežat.
7. Leage dihtomielalaš
Ráhkat alccet buriid energiijavieruid ja čađat energiijadoaibmabijuid mat heivejit du vissui ja geavaheapmái. Leage dihtomielalaš iežat elrávdnjegeavahemiin.
