Haddelokten, soahti ja dálvi váikkuhit millii. Lihkkodutki oaivvilda ahte gávdnojit doaibmabijut mo šaddat buoret millii.
Heajos ođđasat leat čuohcan 2020-loguide. Álggos lei pandemiija mii steŋgii min sisa, de buollái soahti Ukrainas, dasto ledje haddeloktemat ja elrávdnji divrrui, ja dál soahti Gazas.
Lihkkodutki Ragnhild Bang Nes muitala TV2:i ahte gávdnojit doaimmat maid sáhttá bargat, eastadan dihte heajosmiela.
Son muitala ahte leat erenomážit vihtta diŋgga mat sáhttet loktet árgabeaivve ilu.
Lokte árgabeaivve ilu ná
Buorit relašuvnnat earáide
Lihkadit eambbo
Leat mielde eallimis
Oahppat juoidá ođđasa
Dahkat buori earáide
– Buorit oktavuođat earáide lea erenomáš dehálaš. Dahkat juoidá suohttasa ovttas, áinnas veahkehit earáid, muitala Nes.