Maid muitalit vearrolisttuid logut rievttimielde ja maid eai muital?
Vearrolisttuin leat dieđut man olu vearu lea máksán, nettodienas ja nettoopmodat mannan vearrojagi. Dasa lassin lea maid ollislaš namma, riegádanjahki, boastanummar ja -báiki.
Vearru lea dat maid mákset bálkádietnasa vearrun, dasa lassin kapitáladietnasa ja vejolaš opmodaga vearru. Jus du lea friddjageavaheapmi mátketelefovnnas ja govdafierpmádagas, de rehkenasto das maid vearru.
Nettodienas lea dat man ožžot bálkán, kapitáladienasin ja luondduattusin – dan supmis leat gesson gessosat nu go persovdnageasus, vuolimus geasus ja Mánáidgárddi ja SFO golut. Vearomáksit geain lea alla vealgi sáhttet oažžut nettodietnasa garrasit vuoliduvvot reantogessosa dihte.
Nettoopmodat čájehuvvo jus du opmodagain lea eanet árvu go du velggiin. Ássanviesus ja astoáigeviesus lea livnnetárvu mihá vuollelis go márkanárvu. Nu leage maid almmuhuvvon nettoopmodat vuollelis go duohta árvvut dain maid eaiggáduššá.
Brutto bálkádienas: 538.750
+ finánsadietnasat: 10.000
– vuolimus geasus: 75.150
– persovdnageasus: 43.600
– reantogeasus: 70.000
– eará gessosat: 10.000*
= Nettodienas: 350.000
Gáldu: dinside.no
