Vearrologuid ferte máhttit dulkot jus galgá oažžut rievttes gova olbmo dietnasis ja opmodagas.
Vearrolisttut muitalit man olu guhte ge lea vearu máksán, ja nettodienasta ja nettoopmodaga mannan vearrojagi. Dasa lassin muitalit maid ollislaš nama, riegádanjagi, boastanummara ja báikki.
Vearru lea divat maid vearromáksit mákset bálkádietnasa, kapitáladietnasa ja vejolaš opmodaga ovddas. Jus lea friddjageavaheapmi mátketelefovnnas ja govdafierpmádagas, de rehkenasto das maid vearru.
Nettodienas lea dat maid oažžu bálkán, kapitáladienasin ja luondduattusin.
Dan supmis leat gesson gessosat nu go persovdnageasus, vuolimus geasus ja mánáidgárde- ja SFO-golut. Vearromáksit, geain lea alla vealgi, sáhttet oažžut nettodietnasa garrasit vuoliduvvot reantogessosa dihte.
Dá ovdamearka:
Brutto bálkádienas ja finánsadietnasat: 548 750
– vuolimus geasus: 75 150
– persovdnageasus: 43 600
– reantogeasus: 70 000
– eará gessosat: 10 000*
= Nettodienas: 350 000 (supmi mii oidno vearrolisttus)
Nettoopmodat čájehuvvo jus opmodagas lea eanet árvu go vealggis.
Ássanviesus ja astoáiggeviesus lea livnnetárvu mihá vuollelis go márkanárvu.
Nu leage maid almmuhuvvon nettoopmodat unnit go duohta árvvut das maid eaiggáduššá.
