Dál go lea sevnnjodišgoahtán, vuojáhallet eambbo ja eambbo beatnagat ja bussát. Danne lea dehálaš muitit sleđggona elliide maid!
Dál go lea sevnnjodišgoahtán, vuojáhallet eambbo ja eambbo beatnagat ja bussát. Danne lea dehálaš muitit sleđggona elliide maid!
Dál go lea sevnnjodišgoahtán, vuojáhallet eambbo ja eambbo beatnagat ja bussát.
Čáhppes beatnaga lea measta veadjemeahttun fuomášit seavdnjadasas jus ii leat šleđggon.
Danne dáhttot elliidbuohcciviesut olbmuid váldit ovddasvástádusa, ja geavahišgoahtit sihke ieža ja elliide šleđggoniid.
– Beare olu eallit vuojahallet go eaiggádat vajáldahttet šleđggoniid, lohká šibitdoavttir Sasja Elisabeth Rygg AntiCura elliidbuohcciviesus Oslos.
AntiCura dieđiha ahte 55 beatnaga ja 49 bussá leat boahtán sin lusa vuojáhallamiid geažil dán jagi.
Golggotmánus, ovdalgo muohta boahtá, lea buot váraleamos:
– Go muohta boahtá, de gal šaddá veahá álkit oaidnit elliid vilges muohttagis, lohká Rygg.
Šleđggon buot sturrodat beatnagiidda
AntiCura lea ovdánahttán šleđggonveasttaid čieža iešguđetlágan beatnatsturrodagas. Dat unnimus sturrodat sáhttá geavahuvvot bussái maid.
– Veastat leat ráhkaduvvon nu ahte heivejit juohkelágan beatnagiidda, leaš dál stuorát dahje unnit.
Trygg Trafikk oaivvilda ahte vuojahallanvahát unnu 85 proseanttain jus šleđggona geavahit
