Sotnabeaivvi čuovganeamis mannat mii geasseáigái. Dalle sirdit diimmu geasi guvlui, ovtta diimmu ovddos.
– Go mii sirdit diimmu ovddos, de šaddá idja diimmu oaneheabbo. Mii lihkus sáhttit illudit ahte dal šaddet čuovgadeabbo eahkedis, dadjá ealáhusministtar Iselin Nybø (G) preassadieđáhusas.
EU-kommišuvdna evttohii 2018:s ahte galgat heaittihit sirdit diimmu ovddos ja maŋás, muhto dassážii ii leat evttohus váldon vuhtii.
– Mun dieđan doppe leat ollu oaivilat dan diimmu sirddašeame birra. Jus EU evttohus dohkkehuvvo, de ferte juohke EU-riikka mearridit áigot go geavahit geasseáiggi dahje dálveáiggi sin dábálaš áigin. De ferte maid Norga mearridit maid mii háldit dahkat, dadjá ealáhusministtar.
(©NTB)
