Sotnabeaivvi čuovganeapmái, njukčamánu 27. beaivvi, lea vuot áigi botnjat diibmoviisáriid diimmu ovddosguvlui, dálveáiggis geasseáigái.
Norgga diimmu goziha Justerdoaimmahat, ja sotnabeaičuovganeapmái de sirdet fas diimmu geasseáigái. Justerdoaimmahagas leat njeallje atomadiimmu mat čájehit áiggi Norggas, ja dat leat oassin máilmmi oktasaš áiggis (UTC).
400 atomadiimmu miehtá máilmmi mihtidit áiggi juohke báikkis. Pariisa lea váldobáiki gos mihtidit olles máilmmi diimmuid.
Norga lea okta riikkain, ovttas eará europalaš riikkaiguin, mat čuvvot EO-direktiiva geasseáiggi ektui.
Mii eat dárbbat smiehttat mo áiggi sirddašit, go dan kohkke Justerdoaimmahat min ovddas. Justerdoaimmahaga direktevrras, Geir Samuelsenis, lea ge vel dát ráva buohkaide:
– Áigi lea gálvu mii ii riibba, ja stáđuhis máilmmis lea dehálaš golahit dan ulbmilaččat.