Finnmárkku Fylkkamánni lea álggahan golmma jagi prošeavtta man ulbmil lea lasihit muorrageavaheami Finnmárkkus.
Tredriver, dahje muorramovttiidahtti, lea juo sajis Innovašuvdna Norgga, Finnmárkku Fylkkamánni ja Áltá suohkan vehkiin.
Finnmárkku beaivválaš gielddaid gaskasaš vuovdedoallohoavda Tor Håvard Sund lea virgáduvvon muorramovttideaddjin.
Ođasmahtti ja dálkkádatšiega ávnnas
Muorra lea ođasmahtti ja dálkkádatšiega ávnnas man eanet aht eanet ohcalit. Danin lea mihttomearri molsut dálkkádatvahágahtti ávdnasiid muorraávnnasiiguin Finnmárkkus.
Virgáduvvon muorramovttideaddji Sund galgá movttiidahttit olbmuid ja fitnodagaid geavahit eambbo báikkálaš muora go huksejit viesuid.
Ii leat áibbas ođđa ášši go fylkkamánni lea dáinna áššiin bargan moadde jagi juo ja boađus das lea Finnmark treforum ásaheapmi vuovde- ja muorraealáhusa foruma.
Dán áiggi lea maid stuorát beroštupmi geavahit Finnmárkku beazi skoađastit olgoseinniid ja geavahit váimmošmuora.
