– Ii dárbbaš mátkkoštit guhkás dahje plánet máŋggaid vahkuid ovdalii vai oažžu somás čakčaluomu. Norggas lea áibbas fiinnis dán áigodagas ja leat olu suohtastallamat maid sáhttá fuobmát, dadjá Lasse Heimdal, generálačálli Norsk Friluftslivas.
Fina duottarstobus
Lea vejolaš fitnat iešguđetge duottarstobuin miehtá Norgga. Gávdnojit vistit gos leat olbmot, muhto maiddái vistit gos eai leat bargit.
Mana tealtatuvrii
Buohkaidrievtti dihtii de lea vejolaš mannat tealtatuvrii measta gosa háliida.
– Ii leat dárbu mátkkoštit guhkás oažžun dihte buriid muittuid. Mánáide sáhttá tealtatuvra, juogo stobu olggubeale dahje lagas guovllus, leat doarvái stuorra ekspedišuvdna. Deháleamos lea ahte lehpet ovttas, dadjá Lasse Heimdal.
Dolastatta
Čakčamánu 15. beaivvi lea fas lohpi cahkkehit dola meahcis. Nu guhká go leat doarvái biktasat, de lea dolastaddan juoidá maid sáhttá dahkat čakčat ja dat lea seammás somá.
– Gohkket dolas lea oalle álki, nu guhká go lea ráhkkanan bures. Jos dus lea mielde alumiidnafolie ja olju dahje vuodja, de lea beare miellagovahallan mii mearrida maid sáhtát gohkket dolas, dadjá Heimdal.
