Min Geaidnu bellodat Ruoŧabeale Sámis lea válljen ođđa ofelaččaid.
Mannan vahkkoloahpa válljii sámedikkebellodat Min Geaidnu, guokte ođđa jođiheaddji dahje ofelačča, nu mo ieža gohčodit bellodatnjunnošiid, čállá SVT Sápmi.
Stuibmi gieskat
Gieskat lei bellodagas stuibmi maŋŋil go ofelaš Ol-Johan Sikku, heittii ofelažžan. Sara Larsson guhte lei nubbe ofelaš ja Mathias Kristoffersson guhte válljejuvvui Sikku ovddas, leaba maid heaitán ofelažžan.
Dál dattege leat bellodagas fas ofelaččat, go dolle čoahkkima Ubmis gos válljejedje Christina Åhrena ja Stefan Mikaelssona ođđa ofelažžan.
Åhrena rolla lea ovddidit bellodaga jienasteddjiid ja eará bellodagaid dáfus.
– Mun háliidan bellodaga ovdánit, dadjá Åhren SVT Sápmái.
