Alkoholajohtu lea seamma dásis go 1980-logus, borgguheapmi maid njiedjá ja snuvssageavaheapmi nuoraid gaskkas ii šat lassán.
Ođđa logut Álbmotdearvvašvuohtainstituhtas (FHI) čájehit ahte alkohola geavaheapmi ja johttu ain njiedjá. 1990-logus gitta 2008 rádjái leat logut lassánan. Dan maŋŋel njiedjagohte logut.
Dušše vinavuovdin lassána dál. 2008s lei alkoholajohtu 6,8 littara ja 2015s lea alkoholajohtu 6,0 lihttara go rehkenastá juohke ássi nammii.
Norggas ii leat dattege nu alla johttu
Vuola ja buolleviidni ii jođe šat nu bures go geahččá galle lihttara lea vuvdon.
Taxfree gávppit muitalit ahte vuovdin lea njiedjan 0,59 lihttaris 0,52 lihttarii.
– Go buohtastahttá eará europálaš riikkain, de lea Norggas unnit johtu. Danmárkkus jođihit badjel ovcci lihttara alkohola juohke ássi nammii, ja Tsjekkias lea badjel 12 lihttara juohke ássi nammii, muitala FHI váldočálli Astrid Skretting.
Juhkan ja borgguheapmi niedjá
Gárrenmirkorapporttas «Rusmidler i Norge 2016», čájeha ahte geavaheapmi ja johttu gullá oktii. Raporttas muitaluvvo Norgalaččaid alkohola-, duhpát-, dálkkas-, ja narkotihkkageavaheami birra.
– Norgalaččat juhket ja borgguhit unnit go ovdal, ja snuvssageavaheapmi nuoraid gaskkas ii šat lassán, lohká Skretting.
Eanet snuvssat – unnit duhpát
Vaikko nuoramusaid nuoraid gaskkas ii lassán snuvssageavaheapmi, de lassánit aŋkke snuvssageavaheaddjit muđuid. Lassáneapmi lea eanemus sin gaskkas geat leat gaskkal 25 ja 49 jagi boarrásat.
Seammás go eambbogat álget snuvssaid atnit, de njiedjá ges borgguheapmi.
Álget snuvssaiguin go heitet duhpáhiin
– Leat eanaš borgguheaddjit geat álget snuvssaiguin. Go borgguheddjiid lohku njiedjá, de njiedjá maid vejolaš snuvssageavaheaddji lohku. Vuorraset borgguheaddjilohku lea ain hui badjin, ja sidjiide leat snuvssat dehálaččat go áigot heaitit borgguhit duhpáha, muitala FHI dutki Tord Finne Vedøy.
12,2 proseantta sis geat borgguhit geavahit e-sigareahtaid beaivválaččat dahje muhtumin. (©NTB)
