Muohtaskohtervuodjin miessemánu viđát beaivvi maŋŋá Davvi-Romssas ja Finnmárkkus lea ain lohpi, nu mo ovdalge, dieđiha Olgešbellodat beaivvi maŋŋá go Birasdirektoráhta suorggahii finnmárkulaččaid Kárášjogas duorastaga go muitaledje ođasmahtton mohtorjohtolatlága birra.
Muohtaskohtervuodjin miessemánu viđát beaivvi maŋŋá Davvi-Romssas ja Finnmárkkus lea ain lohpi, nu mo ovdalge, dieđiha Olgešbellodat beaivvi maŋŋá go Birasdirektoráhta suorggahii finnmárkulaččaid Kárášjogas duorastaga go muitaledje ođasmahtton mohtorjohtolatlága birra.
Olgešbellodat čállá preassadieđáhusas ahte mii guoská muohtaskohtervuodjimii Davvi-Romssas ja Finnmárkkus, de ii leat rádjá miessemánu viđát beaivi. Dan lea ráđđehusbellodagat ja Guovddášbellodat, Bargiidbellodaga (BB) veahki haga. BB jienastii vuostá. Measta badjel bealli Stuorradikkis ledje vuostá addit gielddaide vejolašvuođa rahkadit skohterlahtuid lustavuodjimii. Eanetlohku Olgeš, Ovddádusbellodat ja Guovddášbellodat háliidedje addit gielddaide dán ovddasvástádusa.
– Mun dieđán jerrui galgá go spiehkastat Davvi-Romssa ja Finnmárkku ovddas dárkilastot láhkateavsttas, muhto lohke ii leat dárbu. Dán lea dál departemeanta njulgen ja sádden reivve mii čilge dan čielgasit. Dákko lea Birasdirektoráhta meaddán. Jus lea dárbu, de lean sihkkar bajá bealde namuhuvvon eanetlohku nagoda dán njulget, lohká Olgešbellodaga Finnmárkku Stuorradikkeáirras Frank Bakke Jensen ja deattuha ášši lea čovdon.
Duogášdiehtu
Mohtorjohtolatlága mii guoská meahccevuodjima lága ođasmahttin bargui, ledje olu áššit maid fertii čielggadit. Eanetlohku Stuorradikkis lei erenoamáš beroštupmi Davvi-Romssas ja Finnmárkkus. Dás ii háliidan eanetlohku makkárge rievdadusaid, earret viiddidit lobi vuodjit jikŋon jávrriid ja jogaid alde. Našunála láhkabarggu oktavuođas daddjui oppalaččat ahte ii galgan leat lohpi vuodjit duoddaris maŋŋá miessemánu viđát beaivvi, earret go Davvi-Romssas ja Finnmárkkus.
Ákkastallan lei ahte dán guovllus leamaš buorre ja ceavzilis hálddašeapmi máŋga jagi. Dan dihtii daddjui njuolga láhkabarggus: «Olgeš, Ovddádusbellodat ja Guovddášbellodat miellahtut deattuhit ahte dálá vuoigatvuohta vuodjit miessemánu viđát beaivvi Davvi-Romssas ja Finnmárkkus galgá jotkojuvvot. Dát mielddisbuktá ahte ii sierravuodjinlobi addin ii rievdaduvvo Davvi-Romssas ja Finnmárkkus.
– Čielgasut ii sáhte eanetlohku mii mearridii lága, dadjat, lohká Davvi-Norgga Olgešbellodaga beaivválaš jođiheaddji Vanja Terentieff.
