Leat biddjon olu doaibmabijut ráhkadit oadjebasvuođa dán jagáš Pride-ávvudeamis, dadjá justiisaministtar Emilie Enger Mehl (Gb).
Sus lei bearjadaga čoahkkin politiijadirektevrrain Benedicte Bjørnlandain ja PST-hoavddain Beate Gangåsiin čuovvulit duođalaš raportta báhčimiid birra diimmá Pride-ávvudeamis.
Olusat leat dadjan ahte dovdet dorvvuhisvuođa, ja Mehl vástida ná gažaldahkii sáhttá go dáhkidit sihkarvuođa dán jagáš ávvudeamis:
– Politiijat ja PST leat bures ja guhká ráhkkanan sihkkarastit dán jagáš Pride. Mun dieđán ahte das lea alimus vuoruheapmi, ja leat dahkkon olu doaibmabijut hukset dorvvolašvuođa dán jagášPrides. Galgá oadjebas oassálastit Pridii nu guhká go lea vejolaš rabas demokratiijas. Lean movtta go PST ja politiijat ieža váldet dan duođalaččat, ii dušše Oslos, muhto miehtá riikka.
(©NTB)
