Digitaliserendirektoráhtta lea doallan bearráigeahču ja dál risikerejit vihtta gieldda máksit beaivesáhkuid go leat meattáhusat sin digitála oahpponeavvuin.
Digitaliserendirektoráhtta lea dahkan bearráigeahču 11 digitála oahpponeavvuin mat geavahuvvojit Bergena, Stavangera, Sunnfjorda, Troanddima, Romssa ja Bådådjo gielddain, čállá NRK. Buot bearráigeahčut leat almmustahttán meattáhusaid mat čuhcet ohppiide.
Ovtta gielddas lea ain bearráigeahčču, ja vihtta gieldda leat juo gohččojuvvon njulget meattáhusaid. Gielddat risikerejit beaivesáhkuid bearráigeahčus jus eai njulge meattáhusaid ovdal borgemánu.
– Lea balddihahtti ahte leat nu ollu stuorra rihkkumat digitála oahpponeavvuid gáibádusaide, dadjá bearráigeahču direktevra, Malin Rygg.
Son muitala ahte meattáhusat práksisis mielddisbuktá ahte oahppit, geain ovdamearkka dihte lea dysleksiija dahje heajut motorihkka dahje oaidnu eai beasa skuvlabeaivvis geavahit seamma digitála oahpponeavvuid go eará oahppit.
(©NTB)
