OĐĐASAT Mátke­dáhkádus ii govčča liige­goluid

Mátke­dáhkádus ii govčča liige­goluid

-

-

Mátkefitnodat Thomas Cook lea dieđihuvvon ahte lea reastaluvvan. Dát váikkuha máŋga duhát norgalaččaide mat leat mátkkošteame Ving nammasaš fitnodagain, maid Thomas Cook eaiggáda. 

– Mátkedáhkáhus ii govčča liigegoluid mat bohtet go mátkefitnodat reastaluvvá, dadjá gulahallanhoavda Ole Irgens dáhkádusfitnodagas Tryg Forsikring.

– Mii ipmirdit ahte olbmot geat eai beasa ruoktot girdit leat heađástuvvan eai ge dieđe maid galget dahkat, muhto mátkedáhkádusas leat čielga spiehkastagat mat gusket reastaluvvan fitnodagaide. Danne it oaččo mátkedáhkádusas gokčojuvvot ođđa girdibileahtaid jus girdi ii vuolgge dan sivas go Thomas Cook lea reastaluvvan, joatká Irgens. 

Irgens ávžžuha ahte sidjiide geaidda čuohcá dát reastaluvvan, dollet oktavuođa Ving fitnodagain. 

Dán čállá Tryg Forsikring preassadieđáhusas. 

- Advertisement -