Johtolatpolitiijat bissehedje mohtorsihkkelvuoddji gii vujii menddo leahtus.
Duorastaga eahkeda mihtidii johtolatpolitiija gaskamearálaš leahtu muhtin olgoriikkalaš mohtorsihkkelvuoddjis. Son vujii dan mađe jođánit ahte massii vuodjenlobi.
– Johtolatpolitiijat bissehedje olgoriikkalaš mohtorsihkkelvuoddji E45 geainnus Suolovuomis. Báikkis lea leaktomearri 90 kilomehtera diimmus, ja brihttalaš stáhtaborgáris mihtiduvvui gaskamearálaš leaktu 144 kilomehterii diimmus. Son lea massán vuodjenlobi Norggas, dieđiha Finnmárkku politiijaguovlu.