Márkomeannu festiválajođiheaddji Aili Guttorm muitala ahte Márkomeannu ovttasbargagoahtá Bådåddjo 2024 Eurohpá kulturoaivegávpotprošeavttas. Vuosttaš doalut čalmmustahttet sámevuođa ja lágiduvvojit borgemánu logát beaivvi Bådådjos.
Márkomeannu festiválajođiheaddji Aili Guttorm muitala ahte golggotmánu logát beaivvi álggahuvvo Márkomeanu ja Bådåddjo2024 ovttasbargu. Ovttasráđiid Stormenkvartalet galgá sámevuohta čalmmustahttot Bådådjo guovddážis ovtta beaivvi. Prográmma lea máŋggabealat, earret eará vuosttaš ovdanbuktin girjjálašvuođa tiŋgojuvvonbuvttadeamis, konsearttat, girjelávgun, teáhter, panelaságastallan ja prográmma nuoramusaide.
– Mii leat hirbmat ilus go leat ožžon johtui ovttasbarggu Bådådjo oassálastiiguin ja go dán láhkai leat ožžon vejolašvuođa lágidit juoidá dán váttis jagis kultuvrra hárrái. Go Bådåddjo ja Nordlánda šaddagoahtá Eurohpá kulturoaivegávpogin, de lea diehttelas ahte sámi kultuvra maid galgá bures čalmmustahttojuvvot. Dat lea lihkus dušše álgu min ovttasbargui Bådåddjo2024:in, lohká Márkomeanu festiválajođiheaddji Aili Guttorm.
Doalut golggotmánu logát beaivvi
Festiválajođiheaddji muitala ahte beaivit lágiduvvojit Stormen Girjjevuorkán nuvttá doalut olles bearrašii. Dás sáhttet mánát oassálastit lohkanbottus, geahččat Åarjelhsaemien Teatera teáhterčájálmasa «Staalo» stálu birra ja velá oahppat duddjot. Opphav ja Risten Anine doallaba konsearta.
– Prográmmas lea buohkaide juoidá miehtá beaivvi. Eahkedis lea vejolaš oasit bileahta sihke konseartačájálmassii «Etniid ulloliinnit» ja tiŋgojuvvon čájálmassii «Biejvvelådde» Timimie Märakis. Lea «Biejvvelådde» vuosttaščájálmas Bådådjos, muhto lea nuppes go «Etniid ulloliinnit» čájehuvvo. Bådådjo álbmogis lea stuorra lihkku dán golggotmánu eahkeda, joatká Aili Guttorm.
Sámevuohta dehálaš kulturoaivegávpoga prošeavttas
Stormen konsearttaviesus čájehuvvo sihke Ozas konsearttačájálmas ja vuosttaščájálmas tiŋgojuvvon performancečájálmas slampoehta Timimie Märaka «Biejvvelådde». «Biejvvelådde» galggai čájehuvvot Márkomeanus jagi 2020 vuosttaš geardde, muhto nu ii šaddan. «Biejvvelådde» lea performancečájálmas man bokte Timimie Märak ofelastá olbmuid spoken word poetrija, musihka ja visualalaš jurdagiid ja dovdduid bokte mátkkis gillii.
– Mii leat hirbmat ilus go beassat leat mielde čalmmustahttimin sámi beaivvi Bådådjos ovttasráđiid Márkomeanuin ja Stormenkvartálain. Sámevuohta lea dehálaš oassi kulturoaivegávpoga prošeavttas. Lea somá go Márkomeannu searvá min fárrui, lohká Bodø2024 beaivválaš jođiheaddji, Henrik S. Dagfinrud.
Olles prográmma gávdná Márkomeanu Facebooksiiddus.
