-Almmuhus-
KULTUVRA Marja Mortensson boahtá fas Márkomennui

Marja Mortensson boahtá fas Márkomennui

-

-

 Dán jagi boahtá fas Marja Mortensson Márkomennui.

Márkomeannu dieđiha preassadieđáhusas ahte dál lea sin lávdeprográmma gárvánišgoahtán. Vuosttaš artisttat geat leat lohpidan boahtit leat KEiiNO ja Ondt Blod. Márkomeannu lágiduvvo suoidnemánu 23.-26. beivviid Gállogiettis Evenášši suohkanis.

Festiválajođiheaddji Aili Guttorm muitala sii leat velá fitnen guokte artistta velá Márkomennui.

– Soai leaba oarjánsámi artista Marja Mortensson gii čuojahii Márkomeanus 2016:s. Dan rájes lea son almmuhan golbma soloálbuma, vuoitán spellemannsbálkkašumi «Mojhtestasse – Cultural Heirlooms« álbuma ovddas, luohkás álbmotmusihkka/árbevirolaš musihkka 2018:s. Dasa lassin almmuhii son 2019:s álbuma «Klarvær»  joavkkuin Moenje:in, muitala festiválajođiheaddji Aili Guttorm.

MÁRKOMENNUI GEASSIT: Artista Elle-Máret Valle a.k.a. Catty E boahtá maid 2020 Márkomennui dán gease. Preassagovva.
MÁRKOMENNUI GEASSIT: Artista Elle-Máret Valle a.k.a. Catty E boahtá maid 2020 Márkomennui dán gease. Preassagovva.

Ođđa sámi hip hop Catty E:s

Festiválajođiheaddji Aili Guttorm muitala Elle-Máret Valle dahje Catty E lea ráppár guhte lea Ohcejogas Suoma bealde Sámis eret. Siŋgel «Eyes of a fighter»  almmuhuvvui 2018 loahpageahčen, dalle ii lean máŋgga jahkái bargan musihkain. Dál lea Valle bargamin ođđa álbumiin, das son ráppe sihke eŋgelasgillii ja sámegillii.

– Čakčat go lei guossin Studio Sámis muitalii son ahte viežžá inspirašuvnna olmmošlaš gaskavuođain ja olbmo silolašvuođas, lasiha festiválajođiheaddji Aili Guttorm.

Ođđa buvttadeaddji

Márkumeannu virgádii Ane Margrethe Ugelvik njukčamánu vuosttaš beaivvi Márkomeanu ođđa buvttadeaddjin ja beaivválaš jođiheaddjin.

– Ane Margrethe Ugelvik lea leamaš birashoavdan festiválas, lohká festiválajođiheaddji Aili Guttorm. Dássážii leat čuovvovaš artisttat šihttojuvvon Márkomennui: Ondt Blod ja Marja Mortenson čuojahit bearjadaga suoidnemánu 24. beaivvi. KEiiNO ja Catty E čuojahit lávvardaga suoidnemánu 25. beaivvi.

- Advertisement -
-Almmuhus-