OsloMet bovde studeanttaid, bargiid ja gávpoga álbmoga boahtit ovdagihtii ávvudit sámi álbmotbeaivvi.
Sámi álbmotbeaivve ávvudit sápmelaččaid sihke nationála ja internationála dásis. OsloMet ávvuda beaivvi ovdagihtii, bearjadaga 3. beaivvi guovvamánus, ja sis lea rikkis prográmma.
OsloMetas beassá nuvttá návddašit biđđosa ja rektor sávvá lihkku beaivái. OsloMet kultuvra ja girjáivuođa prográmmajođiheaddji Vibeke Horn logaldallá OsloMetas sámi perspektiivva birra.
Doppe leat maid eará logaldallamat, ovdamearkka dihte mo sápmelaččat representerejuvvojit earret eará filmmain ja TV:s. Sámi ofelaččat leat maid OsloMetas dán beaivve ja ságastallet gussiiguin. OsloMetas lea maid introdukšuvdna sin sámi dáidagii, maid guossit besset oaidnit.
Amas-joavku boahtá guoimmuhit ja lávlut lávddis. Amas-joavkku vokalista, Marianne Pentha, lea dovddus go earret eará lea Elsa jietna Jikŋon 2 filmmas, ja go searvvai Melodi Grand Prix:i Mikkel Gaupain.
