Nuorta-Finnmárkkus lea oalle jaskat leamaš mannan ija.
Nuorta-Finnmárkkus lea oalle jaskat leamaš mannan ija.
Jus politiijaid twittera mielde galgá árvvoštallat, de lea Nuorta-Finnmárkkus leamaš beanta jaskat mannan ija. Politiijat leat dušše moadde dáhpáhusa birra dieđihan.
Golbma biilavuoddji sáhkkohallan
Beal golmma áigge ihkku sáhkkohedje muhtin 28-jahkásaš albmá Girkonjárggas, go vujii menddo alla leavttus.
– Son vujii 85:s 70-sonas mii lea E6/Førstevann guovllus Girkonjárggas, čállet politiijat.
Diibmu 02.39 sáhkkohedje politiijat vel nuppi biilavuoddji, dát dáhpáhuvai Hessengas ges.
– Biillas váilo dovdomearkkat, čállet politiijat.
Diibmu 03.15 gálge ges politiijat dovdomearkkaid muhtin biillas Várggáin, mii gulai 56-jahkásaš almmáiolbmui.
– Biila ii lean dáhkiduvvon, dieđihedje politiijat.
Rigerii priváhtastobus
Unjárggas šadde politiijat ges fitnat muhtin priváhtadálus gos galggai leat riedja leamaš.
Sii válde muhtin 29-jahkásaš almmáiolbmo gitta ja bidje su butkái.
– Almmái lei gárremin ja oalle rieja ráhkadan muhtin priváhtadálus, čállet politiijat dán birra ges.
