Finnmárkku politiijat leat šaddan feastariejaid bissehit mannan ija.
Finnmárkku politiijat leat šaddan feastariejaid bissehit mannan ija.
Politiijat eai leat menddo sakka bállen vuoiŋŋastit mannan ija.
Rieja rahkadan
Finnmárkku politiijaguovllu nuorttabeale ossodagas dieđihit ahte šadde gohččut muhtin albmá guođđit Girkonjárgga márkanguovddáža.
Almmái guhte lei birrasiid 20 jagi boaris galgá leat rieja ráhkadan Ofelas olgobáikkis.
– Almmái áiggui mannat ruoktot nohkkat, čálle politiijat diibmu 03.46 twitteris.
– Veaháš suhtadan
Viidásat čállet nuorttabeale politiijat ahte guokte albmá geat leaba birrasiid 20 jagi boarrásat, leaba leamaš veahá suhtadan Girkonjárggas
Politiijat háleštedje goappašagain ja gohčču sudno loahpahit messostallama, dán birra dieđihedje diibmu 04.05.
Muđuid čállet nuorttabeale ossodagas ahte olusat leat riŋgen sidjiide dieđihit feastariejaid ja alla musihka geažil Girkonjárggas ja Hessengas.
– Riejat jaskkodedje go politiijat fitne báikkiin, čállet politiijat.
Ii jeagadan politiijaid
Ii oarjin ge lean buoret, diibmu 01.52 dieđihedje oarjjabeale politiijat ahte šadde fitnat muhtin olgobáikkis Hammerfeasttas go ledje ožžon dieđu ahte muhtin lei rieja rahkadan doppe.
– Muhtin vuollel 20 jahkásaš gánda gohččojuvvui guođđit báikki. Son váido, čállet politiijat.
Muhto albmá ii galgga leamaš ávki gohččut guođđit báikki.
– Son lea rihkkon gohččuma. Son váldo gitta ja biddjo butkái, čálle politiijat dakka maŋŋil.
Suoládedje goaivunmášiinna
Diibmu njealjis dieđihedje politiijat ges ahte njeallje nuora galge leat leamaš suoládan goaivunmášiinna ja vuodján dainna Storvik vuovdái gos dahke bilidemiid.
Politiijat manne báikái.
Diibmu 04.08 dieđihedje ahte ledje gávdnan njeallje nuora, golmmas dain eai lean vel deavdán 18 jagi ja dolvojuvvo ruoktot.
Njealját lei badjel 18 jagi boaris ja váido.
Nisu váido go muosehuhtii politiijaid
Diibmu 04.10 dieđihedje politiijat ahte muhtin goalmmátlot-jahkásaš nisu Hammerfeasttas váido go galgá leat geahččalan heađuštit politiijaid go ledje skihka doallamin.
Dát dáhpáhuvai go muhtin nisu ja almmái leigga moiven liđiiguin mat ledje čikŋan gávpotguovddážis.
– Soai gal čorgiiga iežaska maŋis, eaba ge váido, dieđihit politiijat.
Feastariedja
Diibmu 05.08 dieđihedje politiijat ges ahte ledje ožžon dieđu feastarieja birra Hammerfeasttas.
Politiijat fitne báikkis, go muhtin njealljeduhátlot-jahkásaš almmái gohččojuvvui jaskkodahtti feastta.
Promillavuodjin
Diibmu 05.10 ožžo politiijat ges dieđu ahte muhtin lea juhkanoaivves vuodjimin Álttás.
Politiijat manne ohcat vuoddji, gávdne goalmmátlot-jahkásaš albmá ja válde promillaiskosa sus.
– Go bosádii de čájehuvvui ahte sus lei promilla eambbo go maid lea lohpi. Dás vuolggahuvvo ášši, čállet politiijat.
Dakka maŋŋil, diibmu 05.17 ožžo politiijat fas dieđu ahte muhtin návdo juhkanoaivvis vuodjimin.
Politiijat eai gávdnan biilla eai ge vuoddji.
Feastariejat
Diibmu 06.19 dieđihedje politiijat ges ahte sidjiide lei dieđihuvvon feastarieja birra Álttás.
– Poliijat fitne báikkis, feasta lei nohkan, čállet sii twitteris.
