Suorttáin dáhpáhuvai čierastallanlihkohisvuohta.
Nordlándda politiijaguovllus dieđihedje duorastaga, skábmamánu 22. beaivvi diibmu 14.19, ahte Suorttáin lea dáhpáhuvvan čierastallanlihkohisvuohta.
– Guokte máná čierasteigga ja beaškkeheigga oktii biillain. Sihke politiijat ja ambulánsa manne lihkohisvuođabáikái. Nubbi mánná dolvojuvvui doaktáriid lusa. Ii goabbá ge galgga roasmmehuvvan bahuid, čállet politiijat Twitteris.