Tripadvisor lea nammadan Romssa gávpoga máilmmi goalmmát buoremus vásáhusbáikin.
Tripadvisor lea nammadan Romssa gávpoga máilmmi goalmmát buoremus vásáhusbáikin.
Romssa gávpogis ožžot turisttat buot buoremus mátkkoštanvásáhusa buot Eurohpa gávpogiin, ja máilmmi viidosaččat lea Romsa válljejuvvon goalmmát buoremus vásáhusbáikin.
Lea máilmmi stuorámus mátkkoštanneahttasiidu Tripadvisor mii lea nammadan Romssa gávpoga dása.
Dušše La Fortunas Costa Ricas ja Kauaisis Hawaias ožžot turisttat buoret vásáhusa go Davvi-Norgga stuorámus gávpogis.
Luondu ja sámevuohta
Romssas besset turisttat earret eará oaidnit erenomáš vuonaid, guovssahasaid ja sii ožžot vejolašvuođa biepmat bohccuid.
Neahttabáiki dieđiha ahte turisttaid vásáhusat orruma ja vásáhusaid ektui leat vuođđun nammadeamis.
Romsa oažžu oktiibuot 4,77 čuoggá válljejumis, Kauai 4,79 čuoggá ja La Foruna ges 4,81 čuoggá.
Costa Rica buoremus riika
Rotorua Ođđa Selánddas ja Puertor Vallarta Mexicos oažžuba njealját ja viđát saji máilmmi vásáhusbáikin.
Neahttabáiki lea maiddái maŋŋálastán riikkaid gos turisttat obbalaččat ožžot buori mátkevásáhusaid.
Maiddái dán oasi vuoitá Costa Rica. Nuppi saji oažžu Ođđa Selánda ja goalmmáda ges Vietnama, čállá NTB.
