Luopmánat leat juo láddan – orru šaddamin buorre luomejahki.
Brittmarie Eriksson Staares muitala svt.se/P4 Jemtland ahte son lea juo gávdnan láddan luopmániid.
– Luopmánat leat moadde vahku árabut láddan go lávejit, ainge Jämtlanddas ja Västerbottenis, davvelis eai leat vuos láddan, muitala konsuleanta ja muorjeoasti Simon Högberg.
Son ássá Straejmies / Strömsund mii lea logi miilla davábealde Staare.
Luomejahki
Wiphawi Chaikhampa gii vuovdá murjjiid ja guobbariid Torvalla báikkis Staares lea gullan iežas čoggiin ahte luopmánat leat juo láddan.
– Leamaš áibbas buorre dálki luomešaddui. Lea buorre luomejahki, lohká Wiphawi Chaikhampa.
