Fylkkasátnejođiheaddji Ragnhild Vassvik lea ilus go Suomas háliidit Girkonjárgii ruovdemáđija.
Fylkkasátnejođiheaddji Ragnhild Vassvik lea ilus go Suomas háliidit Girkonjárgii ruovdemáđija.
Leat leamaš olu evttohusat ságas, ruovdemáđidja Roavvenjárggas Romsii, Áhkkánjárgii dahje Girkonjárgii ledje molssaeavttut.
Vassvik lea ilus go Finnmárkku gávpoga lea masá leat eanemus mielas. Dan dieđiha fylkkagielda preassadieđáhusas.
Ráđđehus mielas
Ráđđehus lea iežaset neahttasiiddus cealkán ahte Norga boahtá oassálastit huksenbarggus.
Finnmárkku fylkkadiggi háliida ruovdemáđija ja daid vejolašvuođaid maid dat buktá.
Oanehis gaska Girkonjárggas Davvinuortapassasjii
Fylkkagielda lea ovttas gielddain, Mátta-Várjjaga ealáhuseallimiin ja Sør-Varanger Utvikling ráhkadan oktasaš višuvdnarapportta, mas lea globála perspektiiva.
Sis lea doaivva ahte 20 jagi perspektiivvas sáhttá meara bokte boahtit gálvu mii deavdá 10 toga beaivái. Dat lea seamma go 650 guorbmebiilla.
Oanidit mátkkoštanáiggi
Sii leat maid rehkenastán ahte dát gaska sáhtášii oanidit mátkkoštanáiggi Shanghaias Hamburgii nuppelot beivviin.
– Háliidan deattuhit ahte višuvnna vuođđun lea ođđa hávdna Girkonjárgii, ruovdemáđidja Roavvenjárgii ja tunealla Baltikumai.
