Fylkkasátnejođiheaddji Ragnhild Vassvik ii atte juovlakoartta dahje -almmuhusaid. Dan sajis juolluda 10 000 ruvnnu Finnmárkku Rukses Russii sin barggu ovddas mánáide geain lea heajos dilli.
– Mu mielas lea deháleabbo addit mánáide geain ii leat nu buorre dilli juovlaáiggiid, leaš dal min riikkas dahje eará sajiin, dadjá Finnmárku fylkkasátnejođiheaddji.
– Geavahan dilálašvuođa cealkit buohkaide buriid juovllaid ja buori ođđa jagi, dadjá Vassvik iežas maŋimuš daguin dálá Finnmárkku fylkkagieldda fylkkasátnejođiheaddjin.
