Lullisámi Bargiidbellodat bivdá ráđđehusa čuovvolit Alimusrievtti duomu ja gaikut eret bieggamilluid Fovsenis.
Bieggamillot leat ain doaimmas, vaikko Alimusriekti celkkii golggotmánus ahte konsešuvdna ii leat lobálaš, ja bieggamillot rihkkot sámi olmmošvuoigatvuođaid. Stáhta ii áiggo bissehit turbiinnaid ovdal go leat čađahan ođđa váikkuhusguorahallama.
Lullisámi Bargiidbellodaga jođiheaddji lea beahtahallan sin bellodahkii ja lea bivdán čoahkkima, čállá Klassekampen.
– Oaivvildan ahte Bargiidbellodat lea riektebellodat. Go ráđđehus ii čuovo duopmostuolu duomu, de fertet siskaldasat loktet ášši bellodagas. Mun lean beahtahallan min ráđđehusbellodahkii, go eai leat gulahallan minguin. Mii leat oassin bellodagas, lohká Berit Ellen Jåma.
Son buohtastahttá bieggamillopárkka industriijaguovlluiguin gos bohccuid ii ealit.
– Ráđđehus ferte gullat min vásáhusaid birra, go dat leat mii geat diehtit dán ášši birra. Dál lea čielga mearrádus celkon ahte bieggamilluid galget gaikut, lohká Jåma.
Stáhta oaivvilda olmmošvuoigatvuođaid rihkkut áiggi badjel. Mihttun lohket ahte lea sihke bieggafápmu ja boazodoallu Fovsenis.
(©NTB)
