Ráđđehus lea mearridan ásahit Norgga ábiid stuorámus gáhttenguovllu.
Lopphavet, mii lea Álttá, Ákŋoluovtta ja Láhpi suohkaniin, šaddá dál Norgga ábiid stuorámus gáhttenguovlun.
– Mii čállit historjjá go ásahat mearrabirasgáhttenguovllu. Lopphavet guovllus leat luondduárvvut mas mii galgat leat rápmásat. Dáppe áigut mii rahpat mearraguovlluid main lea máilmmi fiinna luondu. Mis leat erenoamáš korállat ja dehálaš mearraloddeguovllut. Dat leat luondduárvvut maid mii háliidat gáhttet buoremus lági mielde boahttevaš buolvvaide, dadjá biras- ja dálkkádatministtar, Espen Barth Eide (Bb) preassadieđáhusas.
Gáhtten mielddisbuktá ahte ii leat lohpi ásahit ođđa rusttegiid mearrabodnái, ja lea maiddái lobiheapme bálkut mássaid guvlui. Lea ain lohpi oaggut, earret guovtti kártejuvvon korállaguovllus.
– Gáhttenguovllu proseassaásaheapmi lea leamaš áddjás bargu, sihke danne go buot guoskevaš beliid galgá vuhtii váldit ja danne go leat leamaš gaskkat. Háliidan giitit Álttá, Ákŋoluovtta ja Láhpi suohkaniid konstruktiivvalaš ovttasbarggu ovddas, dadjá Barth Eide.
(©NTB)
