-Almmuhus-
KULTUVRALoahpahit máilmmimusihkkafestivála Oslos

Loahpahit máilmmimusihkkafestivála Oslos

Journalista

-

-

Sotnabeaivvi besset geahččit oaidnit go golbma nuorra artistta deaivvadit fas lávddis, dán háve Oslo kulturviesus. Geasset lávlo Katarina Barruk, Elina Waage Mikalsen ja Marja Mortensson ovttas Riddu Riđus.

Skábmamánu 6. beaivvi lágidit Riddu Riđđu ja Idja Club konseartta mii loahpaha Oslo World Music Festivála. Lea čihččet jahki go Riddu Riđđu ovttasbargá Oslo World Music Festiválain.

 

Vuoibmi ja mihttu

– Dát leat nuorra artisttat geain lea buorre vuoibmi ja čielga mihttu leat mielde hábmemis sámi musihka ovdáneami ja buktit sámi musihka oidnosii boahtteáigái. Mii leat rápmásat das maid sii leat olahan Riddu Sessions bokte, ja lea hávski beassat čájehit bohtosa gehččiide Oslos, muitala Riddu Riđu festiválahoavda Karoline Trollvik.

 

Buktán inspirašuvnna festiválii

Lágideaddjit muitalit maid ahte sámi Kygo, DJ Biti lokte loahpahanfeastta ođđa dássái. DJ Biti lea okta dain vuosttažiin gii lea ođđasit ráhkadan iežas veršuvnnaid dovddus sámi musihkas.

– Lea hirbmat čaffat go Oslo World Music čalmmustahttá sámi musihka ja kultuvrra olles prográmmas. Mii leat hui ilus go leat beassan ovttasbargat ja buktit inspirašuvnnaid, muitala Karoline Trollvik preassadieđáhusas.

-Almmuhus-