NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
Válgabiire: Viesttarmearra
Bellodat: Sámiid Álbmotlihttu (SÁL)
Namma: Liv Olaug Slettli
Ahki: 54
Siviiladilli: Singel
Eatnigiella/giella: Dárogiella
Beroštumit:
Makkár astoáigedoaimmat leat dus?
– Giehtabarggut, duodji, čállin, lohkan, aktivitehtat olgoáimmus ja oaggun.
Mii lea dat stuorámus maid leat vásihan eallimis?
– Mu bárdni, guhte riegádii 1998:s. Ja dat gii mun lean šaddan maŋŋel go lean eallán 54 jagi.
Maid dagat go áiggut vuoiŋŋastit?
– Logan, vánddardan luonddus. Návddašan maid jaskatvuođa seammá bures go musihka ja servvoštallama bearrašiin ja olbmáiguin.
Gii lea du stuorámus ovdagovva ja manne?
– Ii leat vejolaš válljet ovtta ovdagova. Leat nu oallugat geat leat váikkuhan positiivvalaččat jagiid mielde.
Bargu ja oahppu
Maid don barggat dál ja makkár barggut leat dus ovdal leamašan? Makkár oahppu lea dus?
– Jođihan SÁL, in leat dál dábálaš barggus dearvvasvuođafágabargin buozanvuođa geažil. Lean bargan koahkkan ja guossoheaddjin, fágabargin psykalaš doaimmashehttejuvvon olbmuid ássanbáikkis, oahpaheaddjeveahkkebargin. Lean oahpu váldán vuođđoskuvllas, joatkkaskuvllas ja dearvvasvuođa fágareivve.
Politihkalaš duogáš
Makkár bellodagaid leat don ovddastan? Leatgo leamašan sámediggeáirras?
– Miellahttu ja luohttámušolmmoš SÁL:s 2003 rájes. Lean leamaš iešguđet listtuin suohkanválggain. Luohttámušolmmoš suohkan oktavuođas.
Váibmoáššit
Makkár áššiide áiggut bidjat fokusa?
– Guolásteapmái ja sentraliserenpolitihkkii.
Mii lea du mielas eanemus hástaleaddjin maid Sámediggi ferte čoavdit čuovvovaš áigodagas?
– Váttis dadjat.
Čilge manne/ manne eai galggašii minerála- ja ruvkefitnodagat oažžut lobi ásahit ja álggahit doaimmaid sámi guovlluin?
– Mearridan maid oaivvildan áššis áššái. Muhto lean álgoálggus vuostá ruvkedoaimmaide rašes sámi guovlluide. Ja lean áibbas vuostá mearradeponiijade.
Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?
– Deháleamos lea oažžut eambbo ipmárdusa ja buoret ovttaseallima daid iešguđet aktevrraid gaskkas meahcceeatnamiin. Njuolggadusat fertejit doahttaluvvot.
Eanandoallu, movt sáhttá Sámediggi dahkat sihkkarastin dihte ahte nuorat sáhttet joatkit/álgit ealáhusain?
– Doarjjaortnegiid bokte áittoálgiide.
Mii lea dat stuorámus hástalus guolástanealáhusas Sámis? Maid sáhttá Sámediggi dahkat vai dat unnimus doalut maid sáhttet birgejumi viežžat guolásteamis?
Evttohas ii leat vástidan gažaldahkii.
Sámegielat, movt berre Sámediggi láhčit dili nu ahte nannejuvvojit čuovvovaš áigodagas?
– Lasihit juolludemiid oahpponeavvuide, seammás bidjat fokusa dasa ahte gávdnojit suopmanat maid ferte seailluhit.
Makkár ođđa bargosajiid lea dehálaš vuoruhit čuovvovaš áigodagas?
Evttohas ii leat vástidan gažaldahkii.
Guhte ášši lea čuohcan dutnje eanemusat ja manne?
Evttohas ii leat vástidan gažaldahkii.
