-Almmuhus-
-Almmuhus-
OĐĐASATLevis rahpet árrat čieras­tallan­luohkáid

Levis rahpet árrat čieras­tallan­luohkáid

-

-

Levi Ski Resortas leat vurken muohttaga ja dán čavčča rahpet eareanomáš árrat, álggugeahčen golggotmánu álggugeahčen juo, sihke čierastan- ja čuoiganláhtuid. 

golggotmánu nuppi beaivvi rahpet čuoiganláhtuid Levis. Dat lea 1,5 kilomehtera guhkes čuoiganláhttu mii vuolgá Levi Golf báikkis ja lea nuvttá.  Seamma beaivvi rahpet maid čierastallanluohkáid Levi Ski Resortas, čállet sii iežaset neahttasiiddus. 

Árrarahpan lea vejolaš go sii leat vurken 150 000 kubihkkamehtera muohttaga. 

– Mii leat ilolaččat go Gihttela gielda lea dahkan dan vejolažžan. Dan muohttaga dihte, man mii leat vurken Levi Ski Resortas, de sáhttit rahpat čuoiganláhtu Levi Golf guovllus golggotmánus. Dat lea erenomáš árrarahpan čuoiganjagis 2020. Mii, gieldda bealis, sáhttit nu veahkehit olbmuid lihkadit ja dainna lágiin buoridit sin dearvvašvuođa go sáhttit fállat čuoiganláhtuid čakčaluomus, dadjá Gihttela gieldda sátnejođiheaddji Antti Jämsén. 

-Almmuhus-