Finnmárkkuopmodat (FeFo) Giissá doarjjaortnega bokte dorjot 10 prošeavtta.
Čuovvovaš prošeavttat ožžot doarjagiid:
Sámiid Duodji – Nuorta Finnmárku – 25 000 ruvnno ávnnasčoagginkursii. Team Jmkh – 25 000 ruvnno nuohttun ja fierbmun nuoraide Mázes. Deanu Samiid Searvi – 25 000 ruvnno gámasuinniid čoaggin- ja dikšunkursii. Finnmárku bivdo- ja guolástansearvi – 25 000 ruvnno riebannáhkkegahpirgoarrunkursii. Porsáŋggu kveana giellaguovddáš – 20 000 ruvnno, johkafanasdeaivvadeapmi ja čájehit bivdovugiid. Oarje Porsáŋggu bivdo- ja guolástansearvi – 20 000 ruvnno, divvut guollejielli. Porsáŋggu ja biras guoppar ja ávkešattuid searvi – 15 000 ruvnno, luondduresursaávkkástallan ja kárten Finnmárkkus. Ávžži gilisearvi – 17 000 ruvnno, nuohttunbeaivi Ávžžis. Eira Jørgen M – 15 000 ruvnno lávvomuorrakursii. Pasvik opplevelser – 8000 ruvnno Hávgafestiválii Ytre Lokenis Báhčaveajis.
FeFo lea ožžon oktiibuot 18 ohcama Giissá doarjjaortnegii.