Ráđđehus lea ráhkadan ekspeartajoavkku mii galgá árvvoštallat ja ávžžuhit doaibmabijuid vai studeanttat ožžot buori čuovvuleami pandemiija-áigge.
– Olu áigi okto láigolanjas digitála oahpahusain ja unnit sosiála eallin ii leat buorre psyhkalaš dearvvašvuhtii, dadjá dutkan- ja alitoahppoministtar Henrik Asheim (O) preassadieđáhusas.
Ekspeartajoavku, man jođiha Máhttodepartemeanta, galgá buktit ávžžuhusaid ovdal skábmamánu 23. beaivvi.
– Mun oaivvildan ahte mii fertet bargat eambbo go leat bargan vai sihkkarastit ahte čuovvulat studeanttaid doarvái bures, ahte lea oktavuohta eará olbmuiguin ja ahte čađahit sihke oahpu ja eksámena ovddos guvlui, dadjá Asheim.
(©NTB)
